Осы нормативтiк-құқықтық актiнi қабылдау қажеттiлiгiнiң негiздемесi Қазақстан Республикасының 2008 жылғы 4 желтоқсандағы Бюджет Кодексiнiң 9 және 75-баптары, «Қазақстан Республикасындағы жергiлiктi мемлекеттiк басқару және өзiн-өзi басқару туралы» Қазақстан Республикасының 2001 жылғы 23 қаңтардағы Заңының 6-бабы болып табылады.
Мәслихаттың осы шешiмдi қабылдаудың мақсаты-мемлекеттiк органның мiндеттерiн iске асыру, ауылдық округтiң әлеуметтiк-экономикалық даму бағдарламаларының орындалуын қаржылық қамтамасыз ету.
Краснополян ауылдық округiнiң 2020-2022 жылдарға арналған бюджет кiрiстерi Қазақстан Республикасы Салық кодексiнiң ережелерiн және басқа да нормативтiк-құқықтық актiлердi ескере отырып, 2017-2018 жылдардағы есептелiнген және төленген салық сомалары, 2019 жылғы бағалау есепке алынып, 2008 жылғы 4 желтоқсандағы Қазақстан Республикасы Бюджет кодексiнiң 52-1-бабының негiзiнде есептелген.
Краснополян ауылдық округiнiң 2020 жылға арналған бюджет түсiмдерiнiң болжамды көлемi 5433,0 мың теңге, 2021 жылға — 5705,0 мың теңге, 2022 жылға — 5933,0 мың теңге сомасында белгiлендi.
2020 жылға аудандық бюджеттен 11464,0 мың теңге, 2021 жылға — 9661,0 мың теңге, 2022 жылға — 9734,0 мың теңге сомасында субвенция түсiмi жоспарлануда.
Краснополян ауылдық округi бюджетiнiң жалпы көлемi 2020 жылға 16897,0 мың теңгенi, 2021 жылға 15366,0 мың теңгенi, 2022 жылға — 15667,0 мың теңгенi құрайды.
Нормативтiк-құқықтық актiнiң жобасын қабылдау терiс әлеуметтiк-экономикалық және/немесе құқықтық салдарға әкеп соқпайды.
Шешiм жобасы «Электрондық үкiмет» порталында ашық НҚА бөлiмiнде орналастырылған.
Краснополян ауылдық округiнiң әкiмi м.а. Т. Жомартов
Қараулар: 1408